Includes glossary, bibliographical references, and index.

Ang Bayan, Lahi, at Gunita: Pag-aaral sa Kasaysayan ng Lipunang Pilipino ay gabay para sa mas masusing pag-aaral ng kasaysayan at lipunang Pilipino, na nakaangkla sa layunin ng Strengthened Senior High School Curriculum. Nilalayon nitong linangin ang kritikal na pag-iisip ng mga mag-aaral hinggil sa mga usaping panlipunan, kasaysayan, at identidad na patuloy na humuhubog sa ating kolektibong pagkatao bilang mga Pilipino.

Ang aklat na ito ay hindi lamang isang kronolohikal na pagtatala ng mga pangyayari sa kasaysayan, kundi isang pagninilay sa kolektibong karanasan ng pakikibaka, kultura at identidad. Binibigyang-diin ditto ang kasaysayan bilang isang bukas at buhay na diskurso na kailngan suriin upang mailugar sa mas malalim na konteksto ang ugnayan ng kasaysayan at lipunan.

Inaasahan na ang aklat na ito ay makatutulong sa mga mag-aaral sa mas malalim at mapanuring pag-unawa sa mga kontemporaryong isyung panlipunan gaya ng kahirapan, hindi pagkakapantay-pantay, karahasan, at krisis sa politika at kultura. Higit sa lahat, ninanais ng aklat na ito na himukin ang mga kabataang Pilipino na maging aktibong tagapagtanong, tagasuri, at tagapagbuo ng kasaysayan.